CWN (Chithambara College Well wishers Network) இனால் முன்னெடுக்கப்பட்டு வந்த, வல்வை சிதம்பராக் கல்லூரியின் விஞ்ஞான ஆய்வுகூடம் வல்வை மாணவர்கள் பயன் பெறும் வகையில் அதன் சேவைகளை பொங்கல் தினத்திலிருந்து தொடங்குகின்றது
திரு.யோகசபாபதிப்பிள்ளை மற்றும் திரு.குலநாயகம் ஆகியோர், சிதம்பராக் கல்லூரி பழைய மாணவர் சங்கக் கூட்டம் தொடர்பான விளக்க அறிக்கையினை வெளியிட்டுள்ளனர். இவ் அறிக்கைகளில், வல்வை நகரசபைத் தலைவர் திரு ந.அனந்தராஜ் அவர்கள் எழுதிய 'கல்வி அமைச்சின் சுற்றறிக்கைக்கு அமைவாக பழைய மாணவர் சங்கங்களைப் புனரமைக்குமாறு கோருதல்' கடிதமும் இணைக்கப்பட்டுள்ளது.
சிதம்பராக் கல்லூரியில் புதிய காற்றோட்டமுள்ள இலகுவாக பராமரிக்கக் கூடிய புதிய பெண்கள் கழிப்பறைகள் கட்டுமானங்கள் CWN (Chithambara College Well wishers Network) இனால் துரிதமாக ஆரம்பிக்கப்பட்டுள்ளது.
வல்வெட்டித்துறையில் NELSIP (North East Local Services Improvement Project - வடக்கு கிழக்கு உள்ளுராட்சி வளர்ச்சித் திட்டம்) திட்டத்தின் கீழ், 5 கோடி ரூபா செலவில் புதிய சந்தைக்கட்டிடத் தொகுதி ஒன்று வல்வை நகரசபையினால் அமைக்கப்படவுள்ளதாக அறிய முடிகின்றது. புதிய சந்தைக் கட்டிடத் தொகுதியானது, தற்பொழுது இயங்கும் சந்தைக்கு சற்று அருகாமையில் அமையவுள்ளது.
யாழ் தீபகற்பத்தின் வல்வெட்டித்துறை உள்பட பல இடங்களில், நேற்று மாலையிலிருந்து காற்றுடன் கூடிய கடும் மழை பெய்து வருகின்றது. வளிமண்டலவியல் திணைக்களத்தின் அறிக்கையில், தொடர்ந்தும் நாட்டின் வடக்கு, கிழக்கு, வடமத்திய, தென்மேல், மத்திய மாகாணங்களில் இடைக்கிடையே மழை பெய்யும் என அறிவிக்கப்பட்டுள்ளது.
பாடசாலை சமூகத்தின் வேண்டுதலைக் கருத்திற் கொண்டு பல்வேறு சிரமங்களுக்கு மத்தியில் CWN (Chithambara College Well wishers Network) இனால் முன்னெடுக்கப்பட்டு வரும் செயற் திட்டங்களில் ஒன்றான, பெண்கள் கழிப்பறைகள் நிர்மாணிக்கும் வேலைகள், பொங்கலுடன் முடிவடையும் என எதிர்பார்க்கப்படுகின்றது.
வல்வை சிதம்பராக் கல்லூரியில் 31.12.2012 அன்று நடைபெறவிருந்த பழைய மாணவர் சங்கப் பொதுக்கூட்டமானது திடீரென மாசி மாதம் 10ம் (10.02.2013) திகதிக்கு ஒத்திவைக்கப்பட்டுள்ளது. இதற்கான காரணத்தை அறியத்தரும்படி பழைய மாணவர்கள் கேட்டுக்கொள்கின்றார்கள் .
வல்வெட்டித்துறை, மற்றும் அதனை அண்டிய பிரதேசங்களில் விதவிதமாக கண்ணைக்கவரும் விதத்தில் வானவெளியில் பட்டங்கள் காட்சி தருகின்றன. எதிர்வரும் பட்டப்போட்டியை முன்னிட்டு விதவிதமான பட்டங்களைத் தயாரிப்பதிலும், போட்டிக்குத் தயாராகுவதிலும் பட்டம் பறக்கவிடும் ரசிகர்கள் ஈடுபட்டுக் கொண்டிருக்கின்றார்கள் .
அமரர் புண்ணியமூர்த்தி அவர்களின் ஞாபகார்த்தமாக வல்வை சைனீஸ் விளையாட்டுக் கழகத்தினால் நடைபெற்றுக்கொண்டிருந்த மென்பந்தாட்ட தொடரின் இறுதிப்போட்டி இன்று வல்வை ரெயின்போ விளையாட்டுக் கழக மைதானத்தில் பிற்பகல் 3.00மணிக்கு நடைபெற்றது.
வதிரி பொம்மெர்ஷ் விளையாட்டுக் கழகம் நடாத்தும் ஏழு நபர் கொண்ட உதைபந்தாட்ட போட்டியில், இன்று நடைபெற்ற ஆட்டத்தில் வல்வை A விளையாட்டுக் கழகத்தை எதிர்த்து கரணவாய் கருணாகரன் விளையாட்டுக் கழகம் மோதியது. இந்த ஆட்டத்தில் வல்வை A விளையாட்டுக் கழகம் 4 : 1 என்ற கோல்கணக்கில் வெற்றியீட்டியது.
வல்வெட்டித்துறை நகராட்சி மன்றத்தினால், வல்வெட்டித்துறை நகராட்சிக்குட்பட்ட பின்வரும் கோழியிறைச்சிக் கடைகள், ஆட்டிறைச்சிக் கடைகள் என்பனவற்றை 15/01/2013 ஆம் திகதி தொடக்கம் 31/12/2013 ஆம் திகதி வரை குத்தகைக்கு நடாத்துவதற்கு பகிரங்க ஏலத்தில் வழங்கப்படவுள்ளதாக அறிவித்தல் விடப்பட்டிருக்கின்றது.
வல்வெட்டித்துறை நகராட்சி மன்றத்தினால் வெளியிடப்பட்ட அறிவித்தலில், வல்வெட்டித்துறை நகராட்சி மன்ற எல்லைக்குட்பட்ட பிரதேசத்தில் உள்ள மீன் சந்தைகளை குத்தகைக்கு எடுத்து நடாத்தும் மீனவசங்கங்கள், 18.01.2013 ஆம் திகதிக்குரிய மீள் கேள்வியில் பங்குபற்றி கேள்வி நடைமுறைகளுக்கு அமைய பணத்தை செலுத்தி 2013ஆம் ஆண்டிற்கான தமது குத்தகையை உறுதிப்படுத்துமாறு கேட்கப்பட்டுள்ளது.
சிதம்பராக் கல்லூரியில் மிகவும் நெருக்கமாகவும், நாளாந்த பராமரிப்பு அற்ற முறையில் மாணவருக்கு நோய் தரும் வண்ணம் கிடந்த கழிப்பறைகள் அகற்றப்பட்டு, புதிய காற்றோட்டமுள்ள இலகுவாக பராமரிக்கக் கூடிய கழிப்பறைகள் அமைக்கும் வேலைகள் துரிதமாக நடைபெற்றுவருகின்றன.
வடக்கு, கிழக்கு மாகாணங்களில் உள்ள இரு பல்கலைக்கழகங்களில் முதன் முறையாக பொறியியல் பீடங்கள் ஆரம்பிக்கப்படவுள்ளமை பற்றியும், அதன் அமைவிடங்கள் பற்றியும் உயர் கல்வி அமைச்சு வர்த்தமானி அறிவித்தல் ஒன்றை வெளியிட்டுள்ளது.
வல்வெட்டித்துறை நகர சபையின் 2013ம் ஆண்டுக்கான வரவு செலவுத் திட்டம், கடந்த திங்கட் கிழமை முற்பகல் 10 மணிக்கு வல்வெட்டித்துறை நகர சபைத் தலைவர் திரு ந.அனந்தராஜ் அவர்கள் தலைமையில் நடைபெற்ற கூட்டத்தில் சமர்ப்பிக்கப்பட்டது.
வட மாகாண கிரிக்கெட் பயிற்சியாளர் திரு.ரவீந்திர புஷ்பகுமார (Cricket Coach of Northern Province) அவர்கள், வல்வெட்டித்துறை ஊரிக்காடு நெட்கொழு கழுகுகள் விளையாட்டுக் கழகத்திற்கு சில கிரிக்கெட் உபகரணங்களை இன்று காலை அன்பளிப்பாக வழங்கினார்.
வடமராட்சி வலயக் கல்விப் பணிப்பாளரினால் வல்வை மகளிர் மகா வித்தியாலயத்திற்கு நியமிக்கப்பட்ட ஆசிரியர் திரு.த.ரமேஸ்வரன் நேற்று தனது கடமைகளை பொறுப்பேற்றார். இவர் க.பொ.த.(சா.த) , க.பொ.த.(உ.த) வகுப்புகளிற்கு வணிகக் கல்வி, மற்றும் க.பொ.த.(சா.த) வகுப்புகளிற்கு தகவல் தொடர்பாடல் தொழில்நுட்பம் (Information and Communication Technology) ஆகிய பாடங்களை கற்பிப்பதில் நன்கு தேர்ச்சி பெற்றவர்.
வடமராட்சி வலயக் கல்விப் பணிப்பாளரினால் சிதம்பராக் கல்லூரிக்கு நியமிக்கப்பட்ட ஆசிரியர் திரு.தி.சுபாகரன் இன்று தனது கடமைகளைப் பொறுப்பேற்றார். இவர் க.பொ.த.(சா.த), க.பொ.த.(உ.த) வகுப்புகளிற்கு தகவல் தொடர்பாடல் தொழில்நுட்ப (Information and Communication Technology) பாடத்தை தமிழ், ஆங்கில மொழிகளில் கற்பிப்பதில் நன்கு தேர்ச்சி பெற்றவர்.
வல்வெட்டித்துறை நெடியகாடு திருச்சிற்றம்பலப் பிள்ளையார் கோவிலின் தெற்கு வீதியில் 3 வது கலை இலக்கியப் பெருவிழா நடைபெற்றது. இவ் விழாவினைச் சிறப்பிக்க சிறப்பு விருந்தினராக வல்வெட்டித்துறையின் நாடகக் கலைஞர் திரு முத்துச்சாமி அவர்களும், பிரதம விருந்தினராக திரு சத்தியசீலன் அவர்களும் கலந்துகொண்டனர்.
வல்வெட்டித்துறையில் வல்வை கலை கலாச்சார இலக்கிய மன்றத்தால் வருடம்தோறும் நடாத்தப்பட்டுவரும் கலை நிகழ்ச்சிகள் இன்று பிற்பகல் 4.00 மணியளவில்ஆரம்பமாகியது. வல்வைச் சந்தியில் இருந்து நெடியகாடு திருச்சிற்றம்பலப் பிள்ளையார் வீதியில் அமைந்திருக்கும் பிரதான அரங்கிற்கு, பிரதம விருந்தினர்கள் மேளதாள வாத்தியங்களுடன் அழைத்துச் செல்லப்பட்டனர்.
வல்வையில் செயற்பட்டுவரும், வல்வை ஒன்றியம் தம்மால் முன்னெடுக்கபட்டுவரும் 'பூரணம்' முதியோர் கொடுப்பனவுத் திட்டம், மற்றும் சில திட்டங்களை விளக்கி இன்று அறிவித்தல் ஒன்றை வெளியிட்டிருக்கின்றது. சம்பந்தப்பட்ட அறிவித்தலையும், மற்றும் November மாத ஒன்று கூடலையும் கீழேயுள்ள படங்களில் காணலாம்.
கடந்த சில மாதங்களாக CWN (Chithambara College Well wishers Network) இனால் முன்னெடுக்கப்பட்டு வந்த வல்வெட்டித்துறை சிதம்பராக் கல்லூரி விஞ்ஞான ஆய்வுகூட வேலைகள் முழுமையாக பூர்த்தியடைந்து உள்ளதாக அறிவிக்கப்பட்டுள்ளது. பூர்த்தியடைந்துள்ள சிதம்பராக் கல்லூரி விஞ்ஞான ஆய்வுகூடத்தினை கீழே உள்ள படங்களில் காணலாம்.
வல்வெட்டித்துறை ஊரிக்காட்டிலுள்ள சாய் நிலையத்தின் நான்காவது ஆண்டு விழா நேற்று அனுஸ்டிக்கப்பட்டது. நேற்றைய தினம் காலை சுமார் 8.30 மணியளவில் ஆரம்பித்து நண்பகல் வரை நீடித்த இந்நிகழ்வில் சில அரச அதிகாரிகள் உட்பட பலர் கலந்து சிறப்பித்திருந்தார்கள்.
வல்வை நேதாஜி விளையாட்டுக் கழகத்தினால் நடாத்தப்பட்ட (வல்வைக்கு உட்பட்ட கழகங்களுக்கிடையில்) கரப்பந்தாட்ட தொடர் இன்று வல்வை பொது விளையாட்டரங்கத்தில் நடைபெற்றது.
புதிய வகுப்புக்கள் ஆரம்பிக்கப்படுவதையொட்டி, வல்வை கல்வி அபிவிருத்திச் சங்கம் (VEDA), பொதுவான அறிவித்தல் ஒன்றை வெளியிட்டுள்ளது. சம்பந்தப்பட்ட அறிவித்தல் கீழே இணைக்கப்பட்டுள்ளது.
வல்வை சிவன் கோவிலில் மார்கழித் திருவாதிரை உற்சவம் நேற்று மிகவும் சிறப்பாக நடைபெற்றது. திருவாதிரை உற்சவத்தின் போது நடராஜப் பெருமான் வீதி உலாவும், நடராஜர் திருக்கூத்தும் இடம்பெற்றது. இலங்கையில் பல சிவன் கோவில்கள் இருந்த போதிலும், நடராஜர் திருக்கூத்து நடைபெறுவது ஒருசில சிவன் கோவில்களில் மட்டுமே.
நாளை (ஞாயிற்றுக் கிழமை) நடைபெறவிருந்த வல்வெட்டித்துறை சிதம்பராக் கல்லூரி பழையமாணவர் சங்க வருடாந்த பொதுக்கூட்டம் பிற்போடப்பட்டுள்ளது. இப் பழையமாணவர் சங்க வருடாந்த பொதுக்கூட்டம், வரும் 10.02.2013 அன்று கல்லூரி வளாகத்தில் நடைபெறும் என அறிவிக்கபட்டுள்ளது.
வடமராட்சி வலய தகவல் தொடர்பாடல் தொழிநுட்ப கல்வி நிலையத்தில் க.பொ.த (சா.த) பரீட்சை எழுதிய மாணவர்களுக்காக Microsoft Office 2007 , Desk Top Publishing (Photoshop, Pagemaker, Coral Draw) மற்றும் ஆங்கிலப் பாட நெறிகள் மூன்று மாதங்கள் நடைபெறவுள்ளன. பங்குபற்ற விரும்பும் மாணவர்கள்.
கடந்த சில நாட்களாக வன்னியில் பெய்து வரும் கடும் மழை காரணமாக நேற்றைய தினம் தேராவில் (Theravil) இடத்திலுள்ள மூங்கிலாறு மற்றும் மஞ்சள் பாலம் என்னும் இரு ஆறுகளும் பாதையை மூடி ஓடியமையால் பரந்தன் புதுக்குடியிருப்பு வீதி தடைப்பட்டிருந்தது. இவ்வீதி நேற்று வழமைக்குத் திரும்பியதனைக் காணக்கூடியதாக இருந்தது.