தொண்டைமனாறு ஒற்றுமை விளையாட்டுக் கழகத்திற்கென (Thondaimanaru United Sports club) புதியதொரு சொந்த விளையாட்டு மைதானம் அமைக்கும் பணியில் அவ் விளையாட்டுக் கழக வீரர்கள் ஈடுபட்டுவருகின்றனர்.
தொண்டைமனாற்றுச் சந்தியிலிருந்து சில மீட்டர்கள் தொலைவில் தொண்டைமனாறு - வல்லை வீதியின் வலப் பக்கத்திலேயே இந்த மைதானம் அமைந்து வருகின்றது. மைதானத்தை அமைப்பதற்கான காணிகளை நன்கொடையாகவும், நிதி கொடுத்து வாங்கப்பட்டு, தற்பொழுது மைதானத்தைச் சுற்றி பாதுகாப்பு அணைகள் மற்றும் வேலிகள் அமைக்கும் பணிகள் இடம்பெற்றுவருகின்றன.
மைதானத்தின் வேலைகள் பூரணப்படுத்தப்பட்டு, புதிய மைதானத்தை எதிர்வரும் சித்திரை மாதம் திறக்க முயற்சிப்பதாக தொண்டைமனாறு ஒற்றுமை விளையாட்டுக் கழகத்தினர் தெரிவிக்கின்றனர்.
சுமார் 50 வருடங்களாக இயங்கிவரும் தொண்டைமனாறு ஒற்றுமை விளையாட்டுக் கழகத்திற்கு என இதுவரை சொந்தமாக ஒரு மைதானமும் இல்லை என்பது குறிப்பிடத்தக்கது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
