ஆதிசக்தி வி.க, பருத்தித்துறை லீக் கலந்துரையாடல் நேற்று இடம்பெற்றது, தை மாதத்திலிருந்து ஆதிசக்தி போட்டிகளில் பங்கேற்கும்
பிரசுரிக்கபட்ட திகதி: 07/11/2014 (வெள்ளிக்கிழமை)
பருத்தித்துறை உதைபந்தாட்ட லீக் (Point Pedro Foot ball league) உறுப்பினர்களிற்கும் வல்வெட்டித்துறை ஆதிசக்தி விளையாட்டுக்கழக உறுப்பினர்களிற்கும் இடையிலான கூட்டம் ஒன்று நேற்று ஆதிசக்தி முன்பள்ளியில் இடம்பெற்றது. இந்த கூட்டத்தில் தற்பொழுது ஆதிசக்தி விளையாட்டுக் கழகத்திற்கு உதைபந்தாட்ட போட்டிகளில் பங்குபற்றுவதற்கு 3 ஆண்டுகள் விதிக்கப்பட்டுள்ள தடைபற்றி கலந்துரையாடப்பட்டது.
கூட்டத்தின் முடிவில் ஆதிசக்தி விளையாட்டுக்கழகத்தினை போட்டிகளில் பங்குகொள்ள எதிர்வரும் தை மாதத்திலிருந்து அனுமதிப்பதென்றும், ஆதிசக்தி விளையாட்டுக்கழகத்தின் 12 பேர் அடங்கிய உறுப்பினர் குழு எதிர்வரும் காலங்களில் ஆதிசக்தி விளையாட்டுக்கழகத்தினை நெறிப்படுத்த வேண்டும் என்றும் முடிவெடுக்கப்பட்டுள்ளது.
நேற்றைய கூட்டத்தில் பருத்தித்துறை உதைபந்தாட்ட லீக் உறுப்பினர்கள் அனைவரும் மற்றும் ஆதிசக்தி விளையாட்டுக் கழக அங்கத்தவர்களும் கலந்து கொண்டிருந்தனர்.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
