மிகக் கோலகலமாக நடைபெற்ற யங்கம்பன்ஸ் இறுதிப்போட்டி, மிக அதிகளவில் ரசிகர்கள், விறு விறுப்பின் மத்தியில் இளவாலை யங்கன்றீஸ் வெற்றி
பிரசுரிக்கபட்ட திகதி: 07/10/2013 (திங்கட்கிழமை)
வல்வெட்டித்துறை கம்பர்மலை யங்கமன்ஸ் விளையாட்டுக்கழகத்தினால் யாழ் மாவட்ட கழகங்களுக்கிடையில் நடாத்தப்பட்டு வந்த உதைபந்துச் சுற்றுப்போட்டியின் இறுதிப் போட்டியானது நேற்று இரவு சுமார் 08:30 மணியளவில் வல்வெட்டித்துறை கம்பர்மலை யங்கம்பன்ஸ் விளையாட்டுக்கழக மைதானத்தில் மின்னொளியில் நடைபெற்றது.
முதலில் நடைபெற்ற மூன்றாம் இடத்திற்கான போட்டியில் விண்மீன் விளையாட்டுக்கழகத்தை எதிர்த்து யாழ் சென் மேரிஸ் விளையாட்டுக்கழகம் மோதியது. கடந்த அரையிறுதிப் போட்டியில் இடையூறு விழைவித்தமைக்காக திக்கம் விளையாட்டுக்கழகத்திற்கு பதிலாக விண்மீன் விளையாட்டுக்கழகம் விளையாடியமை குறிப்பிடத்தக்கது. இப்போட்டியில் யாழ் சென் மேரிஸ் விளையாட்டுக்கழகம் 3 : 1 என்ற கோல் கணக்கில் வெற்றியீட்டியது.
இறுதியாட்டத்தில் யாழ் உதைப்பந்தாட்ட லீக்கைச் சேர்ந்த இளவாலை யங்கன்றீஸ் விளையாட்டுக்கழகத்தை எதிர்த்து பருத்தித்துறை உதைப்பந்தாட்ட லீக்கைச் சேர்ந்த வதிரி பொம்மேர்ஸ் விளையாட்டுக்கழகம் மோதியது.
மிகவும் விறுவிறுப்பாக நடைபெற்ற இறுதியாட்டத்தின் முடிவில் இரு அணிகளும் தலா 2 கோல்களை போட்ட நிலையில் வெற்றியை தீர்மானிப்பதற்காக நடுவர்களால் தண்ட உதை வழங்கப்பட்டது, தண்ட உதையில் இளவாலை யங்கன்றீஸ் விளையாட்டுக் கழகம் 4 : 3 என்ற கோல் கணக்கில் வெற்றியீட்டி சாம்பியன் பட்டத்தைப் பெற்றுக்கொண்டது
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
