வல்வெட்டித்துறை அமெரிக்கன் மிஷன் தமிழ் கலவன் பாடசாலையில் இதுவரை அதிபராகக் கடமையாற்றி வந்த திரு.சக்திவேல் அவர்களுக்கு இன்று பிரியாவிடை நிகழ்வு மிகவும் சிறப்பாக நடைபெற்றது.
திரு.சக்திவேல் அவர்கள் விக்னேஸ்வரா பாலர் பாடசாலை பாலகர்களின் பாண்ட் வாத்தியத்துடன், பாடசாலைக்கு முன்னால் உள்ள பருத்தித்துறை காங்கேசந்துறை வீதியிலிருந்து வரவேற்கப்பட்டார். பாடசாலை மண்டபத்தில் வரவேற்கப்பட்ட முன்னாள் அதிபர் பொன்னாடை போர்த்தி கௌரவிக்கப்பட்டார.
மேற்கொண்டு அதிபர் தலைமையில் நடைபெற்ற விழாவில் வல்வை பாடசாலை அதிபர்கள், ஆசிரியர்கள் மாணவர்கள், மாணவர்களின் பெற்றோர்கள் மற்றும் நலன்விரும்பிகள் எனப் பலர் கலந்துகொண்டார்கள்.
தொடர்ந்து நடைபெற்ற நிகழ்வில் அதிபரின் ஒன்பது வருடகால சேவையைப் பாராட்டி பேச்சாளர்களினால் பேசப்பட்டது. அத்துடன் மாணவர்களாலும் முன்னாள் அதிபர் திரு.சக்திவேல் அவர்கள், கவிதைகள் மற்றும் வார்த்தைகளால் சிறப்பிக்கப்பட்டார்.
நிகழ்வின் இறுதியில் ஆசிரியர்கள், மாணவர்கள், பாடசாலை அபிவிருத்திச் சங்கத்தினர் மற்றும் முன்னாள் அதிபருக்கு நினைவுப் பரிசில்களை அதிபரின் சேவையைப் பாராட்டி வழங்கினார்கள். இதைத் தொடந்து முன்னாள் அதிபர் திரு.சக்திவேல் அவர்களின் பேச்சு சுமார் 02:30 மணியளவில் இடம்பெற்றிருந்தது இடம்பெற்றிருந்தது.
நிகழ்வின் இறுதியில் மதியபோசன விருந்துபசாரமும் இடம்பெற்றிருந்தது.
பாடசாலையை விட்டுப் பிரியும் கவலையுடன் முன்னாள் அதிபர் பூ.சக்திவேல் அவர்கள்
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
