வல்வை ஊக்குவிப்பு குழுவினால் நடாத்தப்படும் தண்ட உதைப் போட்டி - சைனிங்ஸ் விளையாட்டுக் கழகம் வெற்றி

வல்வை ஊக்குவிப்பு குழுவினால்  வல்வை விளையாட்டுக்கழகத்திற்கு உட்பட்ட கழகங்களுக்கிடையே நடாத்தப்படும்  தண்ட உதைப்பந்தாட்டப் போட்டியானது இன்று மாலை 04.00 மணியளவில் ரெயின்போ விளையாட்டுக் கழக மைதானத்தில் நடைபெற்றது.

 

இச் சுற்றுப் போட்டியில் வல்வைக்குட்பட்ட கழகங்களான சைனிங்ஸ் விளையாட்டுக் கழகம், நேதாஜி இளைஞர் விளையாட்டுக் கழகம், தீருவில் இளைஞர்  விளையாட்டுக் கழகம், ரெயின்போ விளையாட்டுக் கழகம் மற்றும் உதயசூரியன் விளையாட்டுக்கழகம் என்பன பங்கு பற்றியிருந்தன. 

 

முதலாவது அரையிறுதிப் போட்டியில் ரெயின்போ விளையாட்டுக் கழகத்தை எதிர்த்து நேதாஜி இளைஞர் விளையாட்டுக் கழகம் மோதியது. இந்தப்போட்டியில் நேதாஜி இளைஞர் விளையாட்டுக் கழகம் வெற்றி பெற்று இறுதிப்போட்டிக்கு தெரிவானது.

 

இரண்டாவது அரையிறுதிப்போட்டியில் சைனிங்ஸ் விளையாட்டுக் கழகத்தை எதிர்த்து உதயசூரியன் விளையாட்டுக்கழகம் மோதியது. இந்தப்போட்டியில் சைனிங்ஸ் விளையாட்டுக் கழகம் வெற்றி பெற்று   இறுதிப்போட்டிக்கு தெரிவானது.

 

மூன்றாம் இடத்திற்கான போட்டியில் உதயசூரியன் விளையாட்டுக்கழகத்தை எதிர்த்து ரெயின்போ விளையாட்டுக் கழகம் மோதியது. இப்போட்டியில் உதயசூரியன் விளையாட்டுக்கழகம் வெற்றி பெற்று 3ம் இடத்தை தட்டிச்சென்றது.

 

இறுதிப்போட்டியில் நேதாஜி இளைஞர் விளையாட்டுக் கழகத்தை எதிர்த்து சைனிங்ஸ் விளையாட்டுக் கழகம் மோதியது. இப்போட்டியில் சைனிங்ஸ் விளையாட்டுக் கழகம் வெற்றி பெற்று முதலாம் இடத்தை பெற்றது. 

 

நேதாஜி இளைஞர் விளையாட்டுக் கழகத்தை சேர்ந்த ரசிகரன் சிறந்த விளையாட்டு வீரராகவும், நேதாஜி இளைஞர் விளையாட்டுக் கழகத்தை சேர்ந்த ஜீவிந்தன் சிறந்த கோல்காப்பாளராகவும் தெரிவு செய்யப்பட்டார்கள்.