யாழ் மத்திய கல்லூரி, யாழ் பல்கலைக் கழகம், வல்வை சிதம்பரக் கல்லூரி மற்றும் வல்வை வி.கழகம் ஆகியவை பங்கு பற்றிய 5 நபர் கொண்ட உதைபந்துப்போட்டி
பிரசுரிக்கபட்ட திகதி: 30/08/2013 (வெள்ளிக்கிழமை)
இன்று வல்வை பொதுவிளையாட்டரங்கில் (Fudsal ground) நடைபெற்றது. எம்மால் (Valvettithurai.org) ஆல் ஒழுங்கு செய்யப்பட்டிருந்த இப்போட்டிகள் இன்று மாலை சுமார் 07:00 மணியளவில் ஆரம்பித்திருந்தது. வல்வையின் மூத்த விளையாட்டு வீரர் திரு.தேவசிகாமணி மற்றும் வல்வை விளையாட்டுக்கழக தலைவர் மற்றும் செயலாளர் ஆகியோர் கலந்து கொண்டு போட்டியினைச் சிறப்பித்திருந்தனர்.
முதாலவதாக வல்வை வி.க யாழ் மத்திய கல்லூரியுடன் மோதிக்கொண்டது. இதில் வல்வை வி.க 8:4 என்ற கோல் கணக்கில் வெற்றிபெற்றது. யாழ் மத்திய கல்லூரி அணி சார்பாக ஆசிரியர் ஒருவரும், பயிற்சி ஆசிரியரும் ஒருவரும் கலந்துகொண்டிருந்தனர்.
இரண்டாவது ஆட்டத்தில் வல்வை வி.க யாழ் பல்கலைக்கழக அணியுடன் மோதிக்கொண்டது. இதில் யாழ் பல்கலைக்கழக அணி 5:12 என்ற கோல் கணக்கில் வெற்றிபெற்றது. கடந்த முறை நடைபெற்ற போட்டியிலும் யாழ் பல்கலைக்கழக அணி, வல்வை அணியை வெற்றிகொண்டது இங்கு குறிப்பிடத்தக்கது.
மூன்றாவது ஆட்டத்தில் வல்வை சிதம்பராக் கல்லூரி அணி, யாழ் மத்திய கல்லூரி அணியுடன் மோதியது இதில் யாழ் மத்திய கல்லூரி 5:3 என்ற கோல் கணக்கில் வெற்றிபெற்றது.
வல்வை பொது விளையாட்டரங்கானது (Futsel ground) இலங்கையில் உருவாக்கப்பட்டுள்ள முதாலவது இது போன்றவொரு மைதானமாகும். இன்று முதன் முதலாக 2 வெளி அணிகள், 2 வல்வைக்குட்பட்ட அணிகள் பங்குபற்றிய போட்டிகள் நடைபெற்றுள்ளமை குறிப்பிடத்தக்கது.
குறிப்பிட்ட வல்வையின் மைதானத்தின் முக்கியத்துவத்தை வெளிப்படுத்தவும், வல்வை அணிகளை ஊக்கப்படுத்தும் முகமாகவும் இப்போட்டிகள் Valvettithurai .org யினால் ஒழுங்கு செய்யப்பட்டிருந்தது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
