வல்வெட்டித்துறை நேதாஜி விளையாட்டுக்கழகத்தின் 49 ஆம் ஆண்டு நிறைவுவிழா மற்றும் வருடாந்த இல்ல விளையாட்டுப்போட்டிகள் இன்று நடைபெற்றது. இன்று பிற்பகல் சுமார் 03:30 மணியளவில் காட்டுவளவு நேதாஜி விளையாட்டுக்கழகக் கடற்கரை மைதானத்தில் ஆரம்பமாகியிருந்த நிகழ்வுகள் தொடர்ந்து நடைபெறுகின்றன.
நேதாஜி விளையாட்டுக்கழகத்தின் தலைவர் திரு.சி.நவரத்தினம் அவர்கள் தலைமையில் நடைபெற்ற இந்த நிகழ்வில் வல்வை நகரசபைத்தவிசாளர் திரு.ந.அனந்தராஜ் அவர்கள் பிரதம விருந்தினராகவும், திரு.குமாரசிங்க (பொறுப்பதிகாரி, வல்வெட்டித்துறை போலீஸ் நிலையம்), திரு.சி.மகாலிங்கம் (ஆரம்பகால உறுப்பினர், நேதாஜி வி.க), மற்றும் திரு.ந.சேகர் (கிராம சேவையாளர்) சிறப்பு விருந்தினராகவும், திரு.அ.இராமலிங்கம், நேதாஜி சனசமூகக் காப்பாளர்) மற்றும் திருமதி.அ.சந்திரகாந்தி ( நேதாஜி சனசமூகக் மூத்த உறுப்பினர்) ஆகியோரும் கலந்து கொண்டு சிறப்பித்திருந்தனர்
விழாவின் விருந்தினர்கள் வல்வெட்டித்துறை வேம்படியிலுள்ள வேப்பமர அம்மன் கோவிலடியிலிருந்து நேதாஜி கடற்கரை மைதானத்துக்கு அழைத்துவரப்பட்டு அதனைத் தொடர்ந்து நிகழ்ச்சிகள் யாவும் ஆரம்பிக்கப்பட்டிருந்தன
இல்ல விளையாட்டுக்கள் தவிர்ந்த, விழாவின் ஒரு நிகழ்வான கடற் போட்டிகளும் இன்று இடம்பெற்றிருந்தது குறிப்பிடத்தக்கது. இதில் வெற்றிபெற்ற வீர்களின் விபரம் வருமாறு
நீச்சல்
1 ஆம் இடம் - ந.கருணாரத்தினம்
2 ஆம் இடம் - ச.நிமலன்
3 ஆம் இடம் - சீலன்
வட்டி ஓட்டம்
1 ஆம் இடம் - ரேவடி விளையாட்டுக் கழகம்
2 ஆம் இடம் - சைனிங்ஸ் விளையாட்டுக் கழகம் (A அணி)
3 ஆம் இடம் - சைனிங்ஸ் விளையாட்டுக் கழகம் (B அணி)
வட்டி ஓட்டமானது அஞ்சல் ஓட்ட நிகழ்வை ஒத்த ஒரு போட்டி, இது கடலுக்கும் கரைக்கும் இடையில் உள்ள முருகைப் பாறைகள் மீது இடம்பெறுவது குறிப்பிடத்தக்கது.
ஏனைய பார்வையாளர் நிகழ்வுகளாக பின்வரும் போட்டிகள் இடம்பெற்றிருந்தன
கை மடித்தல்
கயிறு இழுத்தல்
கிரீஸ் கம்பம் ஏறுதல்
பெண்களுக்கான சமநிலை ஓட்டம் மற்றும்
தம்பதிகளுக்கான நீர் நிரப்பும் போட்டிகள் என்பன இடம்பெற்றிருந்தன
கை மடித்தல் போட்டியில் வென்ற வீரர்கள் விபரம் பின்வருமாறு
1 ஆம் இடம் - செல்வன் பிரபாகரன் (ரேவடி விளையாட்டுக் கழகம்)
2 ஆம் இடம் - செல்வன் நிரேஷ் குமார் (உதயசூரியன் விளையாட்டுக் கழகம்)
இன்று நடைபெற்ற நிகழ்வுகளின் முழுப்படத்தொகுப்பும் கீழே இணைக்கப்பட்டுள்ளது. ஏனையவை அடுத்து இணைக்கப்படும்
புகைகூடு விடப்படுகின்றது - வல்வையின் இன்னுமொரு அடையாளம்
விருந்தினர்கள் அழைத்து வரப்படுகின்றார்கள்
மங்களவிளக்கு ஏற்றப்படுகின்றது
ஒலிம்பிக் தீபம் ஏற்றப்படுகின்றது
கொடிகள் ஏற்றப்படுகின்றன
சிறப்பு விருந்தினர் போட்டிகளை ஆரம்பித்து வைக்கின்றார்
இல்ல விளையாட்டுப்போட்டிகள்
அறிவிப்பாளர்கள் செல்வன் சிவஞானம் மற்றும் நிருபன்
உடற்பயிற்சி - சிறுவர்கள்
பார்வையாளர் போட்டிகள் - கிறீஸ் கம்பம் ஏறுதல்
பார்வையாளர் போட்டிகள் - கடற் போட்டிகள் - நீச்சல்
நீச்சல் போட்டியில் வென்ற வீரர்கள்
பரிசில்கள் வழங்கப்படுகின்றன
பார்வையாளர் போட்டிகள் - கடற் போட்டிகள் - வட்டி ஓட்டம்
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
