சிதம்பராக் கல்லூரியில் புதிய கழிப்பறைகள் நிர்மாணிக்கும் வேலைத்திட்டம் CWN இனால் ஆரம்பிக்கப்பட்டுள்ளது
பிரசுரிக்கபட்ட திகதி: 04/01/2013 (வெள்ளிக்கிழமை)
சிதம்பராக் கல்லூரியில் மிகவும் நெருக்கமாகவும், நாளாந்த பராமரிப்பு அற்ற முறையில் மாணவருக்கு நோய் தரும் வண்ணம் கிடந்த கழிப்பறைகள் அகற்றப்பட்டு, புதிய காற்றோட்டமுள்ள இலகுவாக பராமரிக்கக் கூடிய கழிப்பறைகள் அமைக்கும் வேலைகள் துரிதமாக நடைபெற்றுவருகின்றன.
பாடசாலை சமூகத்தின் வேண்டுதலைக் கருத்திற் கொண்டு பல்வேறு சிரமங்களுக்கு மத்தியில் CWN (Chithambara College Well wishers Network) இனால் வேகமாக இத் திட்டம் செயற்படுத்தப்பட்டு வருகின்றது.இதன் முதற் கட்டமாக பெண்கள் கழிப்பறை முற்றாக உடைத்து அகற்றப்பட்டு, போதுமான இடவசதியுடன் கூடிய காற்றோட்டமுள்ள புதிய கழிப்பறை அமைக்கப்படவுள்ளது. அத்துடன் புதிய கழிப்பறைக்குத் தேவையான கட்டிடப் பொருட்கள் கொண்டுவரப்பட்டு, நாளை இதற்கான கட்டிட வேலைகள் ஆரம்பிக்கப்படவுள்ளது.
பாடசாலை மாணவர்களும் பாடசாலை சமூகமும் இதனை சுத்தமாக பேணுவார்கள் என்று எதிபார்க்கின்றது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
