கொழும்பில் நடைபெற்ற உதைபந்து, கடற்படை அணி 6:1 இல் பருத்தித்துறை லீக்கை வெற்றி (காணொளி, படங்கள் இணைப்பு)

இலங்கை கடற்படை உதைபந்து அணிக்கும் யாழ் பருத்தித்துறை உதைபந்தாட்ட லீக்கிற்குமிடையிலான உதைபந்தாட்டப் போட்டி இன்று 22.03.14 பிற்பகல் 0330 மணிக்கு கொழும்பின் புறநகர் பகுதியில் அமைந்துள்ள வெலிசர கடற்படை முகாம் (Welisara navy camp ground) மைதானத்தில் இடம்பெற்றது. விறு விறுப்பாக இடம்பெற்ற இப்போட்டியில் இலங்கை கடற்படை அணி 6:1 கோல் கணக்கில் பருத்தித்துறை லீக்கை வெற்றிகொண்டது.

ஆட்டத்தின் முதல் நிமிடத்திலேயே முதல் கோலினைப் பெற்று தொடர்ந்து விளையாடிய கடற்படை அணி, ஆட்டத்தின் முதல் பாதியின் 12 ஆவது நிமிடத்தில் 2 ஆவது கோலினையும், 35 ஆவது நிமிடத்தில் 3 ஆவது கோலினையும் பெற்று முன்னிலையில் திகழ்ந்தது.

ஆட்டத்தின் அடுத்த பாதியின் முதல் நிமிடத்தில் பருத்தித்துறை அணி 1 கோலினைப் பெற ஆட்டம் மிகவும் விறு விறுப்பு அடைந்தது. ஆனாலும் பின்னர் கடற்படை அணி தொடர்ந்து 3 கோள்களை 15, 19, 27 நிமிடங்களில் பெற்று போட்டியில் வெற்றி பெற்றது. 

இப்போட்டியினை இலங்கை உதைபந்தாட்டச் சம்மேளனம் (Srilanka Football Federation) ஒழுங்கு செய்திருந்தது.