கடந்த 15 ஆம் திகதி பருத்தித்துறை உதைபந்தாட்ட லீக்கினால், பருத்தித்துறை லீக்கின் சிரேஷ்ட உறுப்பினர்களால் நடாத்தப்பட்டிருந்த 40 வயதிற்கு மேற்பட்டோருக்கான உதைபந்துப் போட்டியில் வல்வை விளையாட்டுக் கழக முன்னாள் தலைவர் திரு மு.தங்கவேல் (வயது 68) அவர்கள் சிறந்த விளையாட்டு வீரராகத் தெரிவுசெய்யப்பட்டிருந்தார். இவருடன் அல்வாய் மனோகரா விளையாட்டுக் கழகத்தைச் சேர்ந்த திரு.மாலிக் (வயது 70) மற்றும் வதிரி டையமன்ட் விளையாட்டுக் கழகத்தைச் சேர்ந்த திரு.லக்ஸ்மன் (வயது 74)ஆகியோரும் சிறந்த வீரர்களாகத் தெரிவுசெய்யப்பட்டுள்ளனர்.
இவர்களில் திரு.லக்ஸ்மன் அவர்கள், மறைந்த முன்னாள் சிறந்த உதைபந்து விளையாட்டு வீரரும் ஹாட்லிக் கல்லூரியின் உதைபந்துப் பயிற்சியாளருமான திரு.ரட்ணசிங்கம் மாஸ்டர் யினுடைய சகோதரர் ஆவார்.
மேற்குறிப்பிட்ட இறுதிப் போட்டியில் வதிரி டைமன்ஸ் விளையாட்டுக்கழகம், பலாலி விளையாட்டுக் கழகத்தை 3:1 என்ற கோல் கணக்கில் வெற்றிகொண்டது. 3 ஆவது தெரிவிற்கான போட்டியில் கலட்டி விளையாட்டுக்கழகம் யங்லயன்ஸ் விளையாட்டுக் கழகத்தை 1:0 எனற கோல் கணக்கில் வெற்றிகொண்டது.
போட்டியின் இறுதி நிகழ்வுகளில் வல்வை விளையாட்டுக்கழகத்தைச் சேர்ந்த திரு.தேவசிகாமணி, திரு.மு.தங்கவேல் மாற்றும் திரு.பாஸ்கரி ஆகியோர் கெளரவிக்கப்பட்டிருந்தனர்.
குறித்த போட்டிகள் மற்றும் இறுதி நிகழ்வுகள் வதிரி டையமண்ட்ஸ் விளையாட்டுக் கழக மைதானத்தில் நடைபெற்றிருந்தன.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
