வல்வை மகளிர் மகா வித்தியாசாலையின் இல்லமெய்வன்மை போட்டிகள் இன்று நடைபெற்றது
பிரசுரிக்கபட்ட திகதி: 08/02/2014 (சனிக்கிழமை)
வல்வை மகளிர் மகா வித்தியாசாலையின் இல்லமெய்வன்மை போட்டிகள் இன்று சனிக்கிழமை பிற்பகல் 01.30 மணியளவில் பாடசாலை விளையாட்டு மைதானத்தில் நடைபெற்றது.
பாடசாலை அதிபர் செல்வி இ. சுப்பிரமணிக்குருக்கள் அவர்கள் தலைமையில் நடைபெறவுள்ள இல்லமெய்வன்மை போட்டிக்கு பிரதம விருந்தினராக திரு.சிவபாதம் நந்தகுமார் (வலயக்கல்விப்பணிப்பாளர், வடமராட்சி வலயம்) அவர்களும், பரிசில்களை வழங்கி கெளரவிற்பராக திருமதி யமுனா நந்தகுமார் அவர்களும் கலந்து கொண்டு சிறப்பித்தார்கள்.
இவ் விளையாட்டுப்போட்டியில் பெண்களுக்கான அணிநடை, ஓட்டம், தடைஓட்டம், சிறுவர்கள் விளையாட்டு, அஞ்சலோட்டம் போன்ற பல போட்டிகள் மிகவும் சிறப்பாக நடை பெற்றன. இடைவேளை நிகழ்வாக கீழ் பிரிவு மாணவ மாணவிகளின் இசையும் அசைவும் நிகழ்வு இடம்பெற்றது .
அதனைத்தொடர்ந்து மேல் பிரிவு மாணவிகளின் இல்லங்களுக்கிடையிலான உடற்பயிற்சி உடன் கூடிய இசையும் அசைவும் நிகழ்வு இடம்பெற்றது .
மாலை 06.30 மணி வரை நீடித்திருந்த இப்போட்டியை காண்பதற்கு பழைய மாணவர்கள், பெற்றோர்கள், நலன் விரும்பிகள் என பலரும் கலந்து கொண்டிருந்தனர்.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
