சிதம்பரக் கல்லூரியின் வருடாந்த இல்ல மெய்வல்லுனர் போட்டிகள் இன்று நடைபெற்றது, போட்டியின்
இறுதியில் மழை
பிரசுரிக்கபட்ட திகதி: 01/02/2014 (சனிக்கிழமை)
வல்வெட்டித்துறை சிதம்பரக் கல்லூரியின் வருடாந்த இல்ல மெய்வல்லுனர் போட்டிகள் இன்று சனிக்கிழமை பிற்பகல் 01.30 மணியளவில் ஊரிக்காட்டில் அமைந்துள்ள சிதம்பரக் கல்லூரி மைதானத்தில் நடைபெற்றது.
பாடசாலை அதிபர் திரு.கி .இராஜதுரை அவர்கள் தலைமையில் நடைபெற்ற இல்ல மெய்வன்மைப் போட்டிக்குப் பிரதம விருந்தினராக திரு.ச.செல்வக்குமரன் (உதவிக்கல்விப்பணிப்பாளர் உ.க வலயக்கல்வி அலுவலகம், வடமராட்சி) அவர்கள் கலந்துகொண்டு சிறப்பித்திருந்தார்.
இவ் விளையாட்டுப்போட்டியில் ஆண்கள், பெண்களுக்கான அணிநடை, மைதான நிகழ்வான குண்டெறிதல், தட்டெறிதல் என்பனவும், சுவட்டு நிகழ்வுகளான ஓட்டம், தடைஓட்டம், அஞ்சலோட்டம் மற்றும் சிறுவர்கள் விளையாட்டு போன்ற பல போட்டிகள் மிகவும் சிறப்பாக நடைபெற்றன.
மேலும் மேல்பிரிவு மாணவ மாணவிகளினதும், மற்றும் கீழ்பிரிவு மாணவர்களினதும் இசையும் அசைவும் சிறப்பாக நடைபெற்றது. அத்துடன் பழைய மாணவர்களுக்கான போட்டிகளும் நடைபெற்றன.
மழை பெய்த காரணத்தால் சில போட்டிகள் தடைப்பட்ட பொழுதிலும், மழையின் மத்தியிலும் போட்டிகள் மற்றும் பரிசில்கள் வழங்கும் நிகழ்வும் இடம்பெற்றுருந்தன.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
