தொண்டைமானாறு வீரகத்திப்பிள்ளை மகா வித்தியாலயத்தின் மரதன் ஓட்டப்போட்டி இன்று நடைபெற்றது
பிரசுரிக்கபட்ட திகதி: 01/02/2014 (சனிக்கிழமை)
தொண்டைமானாறு வீரகத்திப்பிள்ளை மகாவித்தியாலயத்தின் 2014 ஆம் ஆண்டுக்கான இல்ல மெய்வல்லுனர் போட்டியின் ஒரு அங்கமாக இல்லங்களுக்கிடையிலான ஆண்கள், பெண்களுக்கான மரதன் ஓட்டப்போட்டி இன்று காலை நடைபெற்றது.
போட்டியானது இன்று காலை 06.00 மணியளவில் ஆரம்பிக்கப்பட்டு சுமார் 08.00 மணியளவில் நிறைவுபெற்றது.
ஆண்களுக்கான மரதன் ஓட்டமானது வீரகத்திப்பிள்ளை மகா வித்தியாலய வீதியில் ஆரம்பிக்கப்பட்டு உடுப்பிட்டி சந்தி, வல்வெட்டித்துறை சந்தி, காங்கேசந்துறை வீதி வழியூடாக தொண்டைமானாறு வீரகத்திப்பிள்ளை மகா வித்தியாலய
முன்றலில் நிறைவுபெற்றது.
பெண்களுக்கான மரதன் ஓட்டமானது வீரகத்திப்பிள்ளை மகா வித்தியாலய வீதியில் ஆரம்பிக்கப்பட்டு கெருடாவில் சந்தி வழியூடாக தொண்டைமானாறு வீரகத்திப்பிள்ளை மகா வித்தியாலய முன்றலில் நிறைவுபெற்றது.
இந்த நிகழ்வில் பாடசாலை பழைய மாணவர்கள், பாடசாலை நலன்விரும்பிகள், மாணவர்களின் பெற்றோரும் எனப் பலரும் கலந்து கொண்டு மாணவர்களுக்கு ஊக்கமளித்திருந்தார்கள்.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
