சிவகுரு வித்தியாசாலையின் வருடாந்த இல்ல மெய்வன்மைப் போட்டிகள் இன்று நடைபெற்றது
பிரசுரிக்கபட்ட திகதி: 31/01/2014 (வெள்ளிக்கிழமை)
வல்வை சிவகுரு வித்தியாசாலையின் வருடாந்த இல்ல மெய்வன்மைப் போட்டிகள் இன்று வெள்ளிக்கிழமை பி. ப 1.30 மணிக்கு தீருவில் விளையாட்டுக்கழக மைதானத்தில் நடைபெற்றது.
பாடசாலை அதிபர் திரு.சு.ஜெயானந்தகுமார் அவர்கள் தலைமையில் நடைபெற்ற இவ் இல்ல மெய்வன்மைப் போட்டிக்குப் பிரதம விருந்தினராக திரு.ஆ. சிவநாதன் ( அதிபர் யா/ புற்றளை மகா வித்தியாலயம் ) அவர்களும், பரிசில்களை வழங்கி கெளரவிற்பராக திருமதி கோமளேஸ்வரி சிவநாதன் அவர்களும் கலந்து கொண்டு சிறப்பித்தார்கள்.
இவ் விளையாட்டுப்போட்டியில் ஆண்கள், பெண்களுக்கான அணிநடை, ஓட்டம், தடைஓட்டம், சிறுவர்கள் விளையாட்டு, அஞ்சலோட்டம் போன்ற பல போட்டிகள் மிகவும் சிறப்பாக நடை பெற்றன. மேல் பிரிவு மாணவ, மாணவிகளினதும் , கீழ் பிரிவு மாணவர்களினதும், இசையும்,அசைவும் சிறப்பாக நடைபெற்றது. அத்துடன் பழைய மாணவர்களுக்கான போட்டிகளும் நடைபெற்றது.
மாலை 06.30 மணி வரை நீடித்திருந்த இப்போட்டியை காண்பதற்கு பழைய மாணவர்கள், பெற்றோர்கள், நலன் விரும்பிகள் என பலரும் கலந்து கொண்டிருந்தனர்.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
