கெருடாவில் இந்து தமிழ் கலவன் பாடசாலையில் நடைபெற்ற தரம் 1 மாணவர்களுக்கான கால்கோள்
விழா, 24 மாணவர்கள் புதிதாக இணைவு
பிரசுரிக்கபட்ட திகதி: 23/01/2014 (வியாழக்கிழமை)
இந்த வருடம் தரம் 1 இல் புதிதாக சேர்த்துகொள்ளப்பட்ட மாணவர்களுக்கான கால்கோள்விழா கடந்த 16 ஆம் திகதி கெருடாவில் இந்து தமிழ் கலவன் பாடாலையிலும் மிகவும் சிறப்பாக நடைபெற்றது.
பாடசாலை அதிபர் திரு.க.உதயரூபன் அவர்கள் தலைமையில் நடைபெற்ற இக் கால்கோள்விழாவிற்கு, திரு.வே.சசிகுமார் (ஆசிரியர் வழிகாட்டல் ஆலோசகர்) அவர்கள் சிறப்பு விருந்தினராக கலந்துகொண்டிருந்தார்.
24 மாணவ மாணவிகள் தரம் 1 ற்காக கெருடாவில் இந்து தமிழ் கலவன் பாடசாலையில் இணைந்து கொண்டதாக பாடசாலை தரப்பில் தெரிவிக்கப்பட்டுள்ளது. இக் கால்கோள்விழாவில் தரம் 1 இல் புதிதாக சேர்க்கப்பட்ட மாணவர்ககளை, தரம் 2 மாணவர்கள் மாலை அணிவித்து வரவேற்றுருந்தனர்.
இப்பாடசாலையில் தரம் 1 தொடக்கம் தரம் 8 வரையான வகுப்புக்கள் தற்பொழுது இடம்பெற்று வருவதும், இதில் 125 மாணவ மாணவிகள் கல்வி பயின்று வருவதும் இங்கு குறிப்பிடத்தக்கது.
கெருடாவில் வல்வையின் புறநிலப் பகுதியில் அமைந்துள்ள ஒரு அழகான கிராமம் ஆகும்.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
