வருடாந்த பரிசளிப்பு வைபவம் இன்று வல்வை அ.மி,த.க.பாடசாலையில் நடைபெற்றது

வல்வெட்டித்துறை அமெரிக்கன் மிசன் தமிழ் கலவன் பாடசாலையின் வருடாந்த பரிசளிப்பு வைபவம் இன்று காலை 09.00 மணியளவில் பாடசாலை  ஒன்று கூடல் மண்டபத்தில் சிறப்பாக நடைபெற்றது.

 

பாடசாலையின் அதிபர் திரு.க.சுப்பிரமணியம் அவர்களின்  தலைமையில் நடைபெற்ற இந்நிகழ்விற்கு பிரதம விருந்தினராக  திரு .பூ.சக்திவேல் (அதிபர், யா/ உடுப்பிட்டி சைவபிரகாச வித்தியாசாலை ) அவர்களும், சிறப்பு விருந்தினராக திரு.பொ. நீதிராஜா அவர்களும் கலந்து சிறப்பித்தனர்.

 

விருந்தினராக வட மாகாண  சபை உறுப்பினர் திரு.ம.க.சிவாஜிலிங்கம் அவர்கள் மற்றும் வல்வெட்டித்துறை நகரசபைத் தவிசாளர் திரு .ந .அனந்தராஜ் அவர்கள்,  உட்பட வல்வையின் பல பிரமுகர்களும் கலந்து சிறப்பித்தனர்.

 

கலைநிகழ்வுகளின் வரிசையில் சிறார்களின் நடன நிகழ்வுகளும், பேச்சு வில்லுப் பாட்டு என பல்வேறுபட்ட நிகழ்வுகளும் நடைபெற்றது .

 

சுமார் 14.30 மணிவரை நீடித்திருந்த  இப்பரிசளிப்பு விழாவில் பாடசாலை ஆசிரியர்கள், மாணவர்கள், பெற்றோர்கள் மற்றும் நலன் விரும்பிகள் கலந்து கொண்டிருந்தனர்.