நகராட்சி மன்றத்தினால், உள்ளூராட்சி வாரத்தினை முன்னிட்டு நடாத்தப்பட்ட போட்டிகளிற்கான பரிசளிப்பு விழா இன்று நடைபெற்றது

வல்வெட்டித்துறை நகராட்சி மன்றத்தினால், உள்ளூராட்சி வாரத்தினை முன்னிட்டு நடாத்தப்பட்ட போட்டிகளிற்கான பரிசளிப்பு விழா இன்று வல்வெட்டித்துறை நகரசபை மண்டபத்தில் நடைபெற்றது .

 

வல்வெட்டித்துறை நகராட்சி மன்றத்தினால் உள்ளூராட்சி வாரத்தினை முன்னிட்டு அறநெறி பாடசாலை மாணவர்கள் மற்றும் பாடசாலை மாணவர்களுக்கிடையில் நடாத்தப்பட்ட கவிதை , கட்டுரை, வாசிப்பு, சித்திரம் ஆகியவற்றில் வெற்றியீட்டிய மாணவர்களுக்கான  பரிசில் வழங்கும் நிகழ்வு நடைபெற்றது. அத்துடன் வல்வை நகரசபை எல்லைக்குட்பட்ட கழகங்களுக்கிடையிலான மென்பந்தாட்ட சுற்றுப்போட்டியில் வெற்றி பெற்ற கழகத்திற்கும் பரிசு வழங்கப்பட்டது. 

 

நகரசபை தவிசாளர் திரு.ந. அனந்தராஜ் அவர்கள் தலைமையில் நடைபெற்ற இந்நிகழ்விற்கு பாடசாலை மாணவர்கள், அறநெறி  பாடசாலை மாணவர்கள், விளையாட்டுக்கழக உறுப்பினர்கள், நகர சபை உறுப்பினர்கள் மற்றும் நகரசபை உத்தியோகத்தவர்கள் ஆகியோர் கலந்து சிறப்பித்திருந்தனர்.