மைலோ கிண்ணத்திற்கான இறுதியாட்டம் மற்றும் பரிசளிப்பு விழா இன்று நடைபெற்றது

நெஸ்லே லங்கா நிறுவனத்தின் அனுசரணையுடன் யாழ் உதைபந்தாட்ட சம்மேளனத்தால் நடாத்தப்பட்டு வந்த மைலோ கிண்ணத்திற்கான உதைபந்தாட்ட போட்டியின் இறுதியாட்டம் மற்றும் மூன்றாமிடத்திற்கான ஆட்டம் இன்று யாழ்ப்பாணம் துரையப்பா விளையாட்டரங்கத்தில் நடைபெற்றது.

 

முதலாவதாக நடைபெற்ற மூன்றாம் இடத்திற்கான ஆட்டத்தில் பலாலி விண் மீன் விளையாட்டுக்கழகத்தை எதிர்த்து ஊரெழு றோயல் விளையாட்டுக்கழகம் மோதியது. இவ்வாட்டத்தில் பலாலி விண் மீன் விளையாட்டுக்கழகம் 4 : 0 என்ற கோல் கணக்கில் வெற்றியீட்டி மூன்றாம் இடத்தினைப்பெற்றுக்கொண்டது.

 

அடுத்ததாக  மைலோ கிண்ணத்திற்க்கான ஆட்டத்தில் நாவாந்துறை சென்மேரிஸ் விளையாட்டுக்கழகத்தை எதிர்த்து பாசையூர் சென் அன்ரனிஸ்  விளையாட்டுக்கழகம் மோதியது. இந்த ஆட்டத்தில் நாவாந்துறை சென்மேரிஸ் விளையாட்டுக்கழகம் 2: 0 என்ற கோல் கணக்கில் வெற்றீட்டி 2013 ஆண்டுக்கான மைலோ வெற்றிக்கிண்ணத்தை கைப்பற்றியது.

 

இறுதியாக நடைபெற்ற பரிசளிப்பு வைபவத்தில் மைலோ கிண்ணம் மற்றும் இரண்டாம் மூன்றாம் இடத்திற்கான கிண்ணங்களுடன், காலிறுதியாட்டத்திற்கு தகுதி பெற்ற 8 அணிகளுக்குரிய  சிறப்பு பரிசில்களும்  வழங்கப்பட்டது. அந்த வகையில் வல்வை விளையாட்டுக்கழகத்திற்கும் சிறப்பு பரிசு வழங்கப்பட்டமை குறிப்பிடத்தக்கது.