வருடாந்த பரிசளிப்பு வைபவம் இன்று வல்வை றோமன் கத்தோலிக்க தமிழ் கலவன் பாடசாலையில் நடைபெற்றது

வல்வெட்டித்துறை றோமன் கத்தோலிக்க தமிழ் கலவன் பாடசாலையின் வருடாந்த பரிசளிப்பு வைபவம் இன்று காலை 09.00 மணியளவில் பாடசாலை மண்டபத்தில் சிறப்பாக நடைபெற்றது.

பாடசாலையின் அதிபர் திருமதி.மங்களேஸ்வரி சேதுலிங்கம் அவர்களின் தலைமையில் நடைபெற்ற இந்நிகழ்விற்கு பிரதம விருந்தினராக வல்வெட்டித்துறை நகரசபைத் தவிசாளர் திரு .ந .அனந்தராஜ் அவர்கள், வட மாகாண சபை உறுப்பினர் திரு.ம.க.சிவாஜிலிங்கம் உட்பட வல்வையின் பல பிரமுகர்களும் கலந்து சிறப்பித்தனர்.

சுமார் 13.00 மணிவரை நீடித்திருந்த இப்பரிசளிப்பு விழாவில் பாடசாலை ஆசிரியர்கள், மாணவர்கள், பெற்றோர்கள் மற்றும் நலன் விரும்பிகள் கலந்து கொண்டிருந்தனர்.

இலங்கையில் கலைத்துறையில் சிறந்த பணியாற்றும் கலைஞர்களுக்கான கலாபூசண விருதானது வல்வெட்டித்துறையைச் சேர்ந்த வெ. முத்துசாமி அவர்களுக்கு வழங்கப்படவுள்ளதாக நேற்று அறிவிக்கப்பட்டதை அடுத்து, திரு.வெ.முத்துசாமி அவர்கள் இன்றைய பரிசளிப்பு விழாவில் மலர் மாலை அணிவித்து கெளரவிக்கப்பட்டார்.

தரம் 5 வரை நடைபெற்றுவரும் இப் பாடசாலையில் உள்ள சில அசெளகரியங்கள் மற்றும் சில தேவைகளைச் சுட்டிக்காட்டி, அதிபரின் வேண்டுகோளையும் உள்ளடக்கி நாம் அண்மையில் செய்து வெளியிட்டிருந்தது இங்கு குறிப்பிடத்தக்கது.