நெஸ்லே லங்கா நிறுவனத்தின் அனுசரணையுடன் யாழ் உதைபந்தாட்ட சம்மேளனத்தால் நடாத்தப்பட்ட உதைபந்து போட்டி - வல்வை அணி வெற்றி

நெஸ்லே லங்கா நிறுவனத்தின் அனுசரணையுடன் யாழ் உதைபந்தாட்ட சம்மேளனம் நடாத்தும் மாவட்ட ரீதியிலான மைலோ கிண்ண உதைபந்தாட்ட சுற்றுபோட்டியில், தெரிவு செய்யப்பட்ட சிறந்த முன்னணி கழகங்கள் மோதும் உதைபந்தாட்ட சுற்றுப்போட்டியானது, இன்று நடைபெற்றது.

 

இன்று நடைபெற்ற போட்டியில் வல்வை விளையாட்டுக்கழகத்தை எதிர்த்து சக்கோட்டை சென்சேவியர்  விளையாட்டுக்கழகம் மோதியது. முதல் பாதி ஆட்டத்தில் வல்வை அணிக்கு தண்ட உதை வாய்ப்பு கிடைத்தது. அந்த தண்ட உதையினை செல்வன் ரசிகரன் கோல்களாக மாற்ற 1:0 என்ற கோல்கணக்கில் வல்வை அணி முதல் பாதி ஆட்டத்தினை முடிவுக்கு கொண்டுவந்தது.

 

2 வது பாதி ஆட்டத்தில் வல்வை அணியைசேர்ந்த செல்வன் பிரணவன் ஒரு கோலினைப்பெற்றார். அதனைத்தொடர்ந்து  சென்சேவியர்  விளையாட்டுக்கழக அணிக்கு இரண்டு தண்ட உதை சந்தர்ப்பங்கள் கிடைத்தபோதும் , ஒரு தண்ட உதையின் மூலம் ஒரு கோலினை பெற்றது. அடுத்த தண்ட உதையின் பொது வல்வை அணி கோல்காப்பாளர் செல்வன் ஜிவிந்தன்  தடுத்து வல்வை அணியின்  வெற்றிஇணைய உறுதிப்படுத்தினார். இதன்காரணமாக வல்வை அணி 2:1 என்ற கோல் கணக்கில் வெற்றியை பெற்றது. 

 

வடமாரட்சியிலிருந்து தெரிவு செய்யப்படும் நான்கு அணிகளில் வல்வை அணியும் ஒன்றாகும். அடுத்த போட்டியில் வல்வை அணி யாழ் துரையப்பா விளையாட்டரங்கத்தில் விளையாடவுள்ளது.