வல்வை பொது விளையாட்டரங்கில் இளவாலை யங்கன்ரிஸ் வி.கழகத்தை எதிர்த்து வல்வை அணிகள் நேற்று மோதின
பிரசுரிக்கபட்ட திகதி: 29/11/2013 (வெள்ளிக்கிழமை)
இளவாலை யங்கன்ரிஸ் விளையாட்டுக்கழகம், வல்வை விளையாட்டுக்கழகம் மற்றும் வல்வை நெடியகாடு இளைஞர் விளையாட்டுக்கழகம் ஆகியவை பங்கு பற்றிய 5 நபர் கொண்ட உதைபந்துப்போட்டிகள் நேற்று வல்வை பொது விளையாட்டரங்கில் (Fudsal ground) நடைபெற்றது. எம்மால் (Valvettithurai.org) ஒழுங்கு செய்யப்பட்டிருந்த இப்போட்டிகள் நேற்று மாலை சுமார் 07:00 மணியளவில் நடைபெற்றன .
வட மாகாணசபை உறுப்பினர் திரு.சிவாஜிலிங்கம் , போராசிரியர் சபா இராஜேந்திரன் வல்வையின் மூத்த விளையாட்டு வீரர் திரு.தேவசிகாமணி மற்றும் வல்வை விளையாட்டுக்கழக தலைவர் மற்றும் செயலாளர் ஆகியோர் கலந்து கொண்டு போட்டியினைச் சிறப்பித்திருந்தனர்.
முதலாவதாக வல்வை விளையாட்டுக்கழகத்தை எதிர்த்து இளவாலை யங்கன்ரிஸ் விளையாட்டுக்கழகம் மோதியது. இப்போட்டியில் 13:7 என்ற கோல் கணக்கில் இளவாலை யங்கன்ரிஸ் விளையாட்டுக்கழகம் வெற்றிபெற்றது.
இரண்டாவதாக நடைபெற்ற போட்டியில் வல்வை நெடியகாடு இளைஞர் விளையாட்டுக்கழகத்தை எதிர்த்து இளவாலை யங்கன்ரிஸ் விளையாட்டுக்கழகம் மோதியது. இப்போட்டியில் 11:3 என்ற கோல் கணக்கில் இளவாலை யங்கன்ரிஸ் விளையாட்டுக்கழகம் வெற்றிபெற்றது.
வல்வை பொது விளையாட்டரங்கானது (Futsel ground) இலங்கையில் உருவாக்கப்பட்டுள்ள முதாலவது இது போன்றவொரு மைதானமாகும். நேற்று இரண்டாவது முறையாக 1 வெளி அணி, 2 வல்வைக்குட்பட்ட அணிகள் பங்கு பற்றிய போட்டிகள் நடைபெற்றுள்ளமை குறிப்பிடத்தக்கது.
நேற்று நடைபெற்ற ஆட்டங்களை காண்பதற்கு வல்வை ரசிகர்கள் பெருமளவானோர் கலந்து கொண்டமை குறிப்பிடத்தக்கது.
Comments will be edited (grammar, spelling and slang) and authorized at the discretion of Valvettithurai.org. The website also has the right not to publish selected comments.
எமது செய்திகளின் மறுபதிப்பினை எவரும் செய்ய முடியும், ஆனால் குறித்த எமது செய்திகளில் எதுவித மாற்றமும் செய்யாமல், எமது இணையதளத்தின் (www.valvettithurai.org) பெயரினைக் கண்டிப்பாக குறிப்பிடுதல் வேண்டும்.
.jpg)
