சென்சேவியர் வி.கழகத்தினால் நடாத்தப்பட்டு வரும் உதைப்பந்தாட்ட போட்டி - வல்வெட்டித்துறை அணிகள் வெளியேறின

சக்கோட்டை சென்சேவியர் விளையாட்டுக் கழகத்தினால் வடமராட்சிக்கு உட்பட்ட கழகங்களுக்கு இடையேயான, 19 வயதிற்குட்பட்டவர்களுக்கான உதைப்பந்தாட்ட சுற்றுப்போட்டியில் இன்று மாலை மூன்று போட்டிகள்  சக்கோட்டை சென்சேவியர் விளையாட்டுக்கழக மைதானத்தில் நடைபெற்றன .

 

முதலாவது போட்டியில் வல்வை B விளையாட்டுக்கழகத்தை எதிர்த்து பலாலி விண்மீன் விளையாட்டுக்கழகம் மோதியது. ஆட்ட நேரம் முடியும் வரை இரு அணிகளும்  கோல்களை பெற்று சம பலத்துடன் இருந்தமையினால் தண்ட உதை வழங்கப்பட்டது. தண்ட உதை மூலம் விண்மீன் விளையாட்டுக்கழ்கம் ஒரு கோலினை பெற்று  அறையிறுதியாட்டத்திற்கு தகுதி பெற்றது. 

 

இரண்டாவது போட்டியில் வல்வை A விளையாட்டுக்கழகத்தை எதிர்த்து  கரணவாய் கொலின்ஸ் விளையாட்டுக்கழகம் மோதியது. ஆட்டம் முடியும் வரை ஒரு கோலினையும் இரு அணிகளும் பெறவில்லை.நடுவர்களினால்  தண்ட உதை வழங்கப்பட்டதன் மூலம் கரணவாய் கொலின்ஸ் விளையாட்டுக்கழகம் ஒரு கோலினை பெற்று  அறையிறுதியாட்டத்திற்கு தகுதி பெற்றது. 

 

 இறுதியாக நடைபெற்ற மூன்றாவது ஆட்டத்தில் வல்வை நெடியகாடு இளைஞர் விளையாட்டுக்கழகத்த எதிர்த்து அல்வாய் மனோகர விளையாட்டுக்கழகம் மோதியது. இந்த ஆட்டத்தில் 2:0 என்ற கோல் கணக்கில் அல்வாய் மனோகர விளையாட்டுக்கழகம் வெற்றி பெற்று  அறையிறுதியாட்டத்திற்கு தகுதி பெற்றது.