மென்பந்தாட்ட சுற்றுப் போட்டியின் இறுதியாட்டம் நேற்று மின்னொளியில் மிகப்பிரமாண்டமாக நடைபெற்றது

கொம்மந்தறை இளைஞர் விளையாட்டுக் கழகம் யாழ் மாவட்ட ரீதியாக தற்பொழுது மாபெரும் மென்பந்தாட்ட சுற்றுப் போட்டியின் இறுதியாட்டம் நேற்று மின்னொளியில் மிகப்பிரமாண்டமாக நடைபெற்றது.

 

கொம்மந்தறை இளைஞர் விளையாட்டுக் கழகத் தலைவர் திரு.ச.செந்தூரன் தலைமையில் நடைபெற்ற நிகழ்விற்கு பிரதம விருந்தினராக திரு.மு.இரவீந்திரன் (அதிபர் யா/கம்பர்மலை வித்தியாலயம்) அவர்களும், சிறப்பு விருந்தினராக திரு.K.K.D.W.P குமார சிங்க ( போலிஸ் நிலைய அதிகாரி, வல்வெட்டித்துறை) அவர்களும் கலந்து சிறப்பித்திருந்தார்கள்.

 

8 மற்றும் 15 பந்துப் பரிமாற்றம் கொண்ட சுற்றுப் போட்டிகளின் இறுதியாட்டங்கள் நேற்று இரவு 08.00 மணியளவில் ஆரம்பமான சுற்று போட்டி நள்ளிரவு வரை நீடித்திருந்தது. இப் போட்டிகள் யாவும் கொம்மந்தறை இந்து தமிழ் கலவன் பாடசாலை மைதானத்தில் நடை பெற்றது இங்கு குறிப்பிடத்தக்கது.

 

8 பந்துப் பரிமாற்றத்தின் இறுதியாட்டத்தில் கொக்குவில் காமாட்சி விளையாட்டுக்கழகத்தை எதிர்த்து திருநெல்வேலி முத்து தம்பி விளையாட்டுக்கழகம் மோதியது . இவ்வாட்டத்தில் திருநெல்வேலி முத்து தம்பி விளையாட்டுக்கழகம் வெற்றி பெற்று வெற்றிக்கிண்ணத்தைக் கைப்பற்றியது.

 

அதனை தொடர்ந்து 15 பந்துப் பரிமாற்றத்தின் இறுதியாட்டத்தில் கொக்குவில் காமாட்சி விளையாட்டுக்கழகத்தை எதிர்த்து கரவெட்டி ஞானம்ஸ் விளையாட்டுக்கழகம் மோதியது. இவ்வாட்டத்தில் கொக்குவில் காமாட்சி விளையாட்டுக்கழகம் வெற்றி பெற்று வெற்றிக்கிண்ண த்தைக் கைப்பற்றியது.

 

நேற்று நடைபெற்ற நிகழ்வுகளின் போது  எடுக்கப்பட்ட படங்களின் தொகுப்பு