சிவாஜிலிங்கம் வல்வை நகரசபையால் கெளரவிக்கப்பட்டார்

முன்னாள் நாடாளுமன்ற உறுப்பினரும், கடந்த மாதம் இடம் பெற்ற வடக்கு மாகாணசபைக்குத் தெரிவு செய்யப்பட்டவருமான திரு M.K.சிவாஜிலிங்கம் இன்று வல்வெட்டித்துறை நகரசபையால் கெளரவிக்கப்பட்டார்.

 

வல்வெட்டித்துறை நகரசபை தலைவர் திரு அனந்தராஜ் அவர்கள் தலைமையில் நடைபெற்ற கெளரவிற்பு நிகழ்வு வல்வை நகரசபை மண்டபத்தில் முற்பகல் 11.00 மணிக்கு நடைபெற்றது.

 

இந்நிகழ்வில் நகரசபை உபதலைவர் திரு சதீஷ்  , நகரசபை செயலாளர் திருமதி கிரிஜா வசந்தகுமார் , நகரசபை உறுப்பினர்கள் மற்றும் நகரசபை உத்தியோகத்தவர்கள் என பலரும் கலந்து கொண்டனர்.  

 

திரு M.K.சிவாஜிலிங்கம் அவர்களுக்கு நகரசபைத்தலைவர் அவர்கள் பொன்னாடை அணிவித்து கெளரவித்ததைத் தொடர்ந்து, நகரசபை உபதலைவரால் நினைவுசின்னமும் நகரசபை செயலாளரினால் வாழ்த்து பா மடலும் சிவாஜிலிங்கம் அவர்களுக்கு வழங்கப்பட்டிருந்தது. 

 

தொடர்ந்து நடைபெற்ற நிகழ்வில் நகரசபை நிர்வாக உறுப்பினர்களால் வாழ்த்துரை வழங்கி கெளரவிக்கப்பட்டதைத் தொடர்ந்து,திரு சிவாஜிலிங்கம் அவர்களால் நன்றி உரை வழங்கப்பட்டிருந்தது. இதனைத் தொடர்ந்து இறுதியில் மதிய போசன விருந்தும் அளிக்கப்பட்டது குறிப்பிடத்தக்கது. 

 

இதன் போது எடுக்கப்பட புகைப்படங்களை கீழே காணலாம்.